#19

மென்மைக்குள் பகுபடா ஐந்திதழ் விரிந்த
பூக்களே அவள் வாடிக்கை.

ஒரு பூவை நடுவில் வைத்து
அதை சுற்றி சில வைப்பாள்,

நான்கு பூக்களை சதுரத்தின்
மூலைகளில் நிறுத்துவாள். இதுபோல்
ஆறேழு பூக்கோலங்கள் அவள் கைவசம்.

கருநீளம், இளம்பச்சை என நிறங்களும்
பூ இலக்கணத்திற்குள்  மெத்த பொருந்தாது.

வெகு சில நாட்களில் பதினாறு
புள்ளிகள் குறையாத சிக்கு கோலங்களில்
தலை காட்டுவாள். குளிர் நனைக்கும்
காரிருள் மீது இளஞ்சுடர் படரத்
துவங்கும் சிறு பொழுதில் பூமிக்கு
 பச்சை குத்தியதை போல்
அவள் கோலங்கள் விடியலின்
 நிறங்களை மெருகூட்டி கொண்டிருக்கும்.